agarche main ek chaTan sa aadmi( Sad poetry) Mohsin Naqvi

اگرچہ میں اک چٹان سا آدمی رہا ہوںا

مگر ترے بعد حوصلہ ہے کہ جی رہا ہوں

وہ ریزہ ریزہ مرے بدن میں اتر رہا ہے

میں قطرہ قطرہ اسی کی آنکھوں کو پی رہا ہوں

تری ہتھیلی پہ کس نے لکھا ہے قتل میرا

مجھے تو لگتا ہے میں ترا دوست بھی رہا ہوں

کھلی ہیں آنکھیں مگر بدن ہے تمام پتھر

کوئی بتائے میں مر چکا ہوں کہ جی رہا ہوں

کہاں ملے گی مثال میری ستم گری کی

کہ میں گلابوں کے زخم کانٹوں سے سی رہا ہوں

نہ پوچھ مجھ سے کہ شہر والوں کا حال کیا تھا

کہ میں تو خود اپنے گھر میں بھی دو گھڑی رہا ہوں

ملا تو بیتے دنوں کا سچ اس کی آنکھ میں تھا

وہ آشنا جس سے مدتوں اجنبی رہا ہوں

بھلا دے مجھ کو کہ بے وفائی بجا ہے لیکن

گنوا نہ مجھ کو کہ میں تری زندگی رہا ہوں

وہ اجنبی بن کے اب ملے بھی تو کیا ہے محسنؔ

یہ ناز کم ہے کہ میں بھی اس کا کبھی رہا ہوں 

agarche main ek chaTan sa aadmi raha hun
magar tere baad hausla hai ki ji raha hun
wo reza reza mere badan mein utar raha hai
main qatra qatra usi ki aankhon ko pi raha hun
teri hatheli pe kis ne likkha hai qatl mera
mujhe to lagta hai main tera dost bhi raha hun
khuli hain aankhen magar badan hai tamam patthar
koi batae main mar chuka hun ki ji raha hun
kahan milegi misal meri sitamgari ki
ki main gulabon ke zaKHm kanTon se si raha hun
na puchh mujh se ki shahr walon ka haal kya tha
ki main to KHud apne ghar mein bhi do ghaDi raha hun
mila to bite dinon ka sach us ki aankh mein tha
wo aashna jis se muddaton ajnabi raha hun
bhula de mujh ko ki bewafai baja hai lekin
ganwa na mujh ko ki main teri zindagi raha hun
wo ajnabi ban ke ab mile bhi to kya hai ‘mohsin’
ye naz kam hai ki main bhi us ka kabhi raha hun